Accessibility links

Breaking News

Anbasad Etazini nan Kiba Rekoumanse bay Viza


Anbasad Etazini nan Kiba koumanse bay viza madi pou premye fwa depi swadizan atak sonic te fèt kont diplomat li, sa gen plis pase 4 lane.

Washington te fèmen sèvis konsila li nan kapital Kiba a an 2017 apre pèsonèl ameriken ak fanmi yo te soufri kèk maladi misterye ke yo te vin rele apre sa "Sendròm La Avan nan."

Konsila ki te fèmen an sete yon gwo kou pou anpil Kiben ki te espere antre Etazini.

"Byenvini nan anbasad-la apre tout tan sa a," se sa yon anplwaye kiben te di yon gwoup moun ki t ap tann randevou nan seksyon konsilè a. Etazini te anonse, sa gen 2 mwa, li t ap koumanse re-ouvè ak limit e pezape anbasad li ak sèvis konsilè li.

Prezidan nan epòk la Donald Trump te fèmen li an Septanm 2017 apre swadizan atak sonic yo.

Yon rapò gouvènman ameriken an an 2020 te fè konnen pèsonèl anbasad la ak fanmi yo te tonbe malad akoz enèji frekans radio ki te vize yo.

XS
SM
MD
LG