Accessibility links

Anbasad Amerikèn ak MINUSTAH Mande Eksplikasyon sou Dènye Piblikasyon Rezilta Eleksyon yo

  • Jean Robert Philippe

Anbasad amerikèn ann Ayiti ak Misyon Nasyonzini pou Estabilizasyon Ayiti a (MINUSTHA) pibliye 2 kominike aprè KEP a (Konsèy Elektoral Pwovizwa a) fin pibliye rezilta definitif eleksyon 20 mas yo, rezilta ki pa swiv tout rekòmandasyon misyon obsèvasyon OEA/ KARIKOM ak obsèvatè nasyonal yo te fè sou dosye a; KEP a aplike rekòmandasyon yo nan 15 ka sèlman sou 19.

Anbasad amerikèn ann Ayiti ak Misyon Nasyonzini pou Estabilizasyon Ayiti a (MINUSTHA) pibliye 2 kominike pou yo mande KEP a (Konsèy Elektoral Pwovizwa a) eksplikasyon apre konsèy la fin pibliye rezilta definitif eleksyon 20 mas yo --rezilta ki pa swiv tout rekòmandasyon misyon obsèvasyon OEA/ KARIKOM ak obsèvatè nasyonal yo te fè sou dosye a; KEP a aplike rekòmandasyon yo nan 15 ka sèlman sou 19.

Se konsa misyon diplomatik la ak MINUSTAH mande eksplikasyon sou rezon ki fè enstitisyon elektoral la pa chanje rezilta pou pòs depite nan sikonskripsyon Valière, Carice, Mombin Crochu, Jacmel avèk Belladère, tankou li fè sa pou 15 lòt sikonskripsyon kote vòt la te pwovoke -e kontinye pwovoke- kontestasyon.

Daprè 2 kominike yo, eksplikasyon nesesè tou sou rezon ki fè Biwo Kontansye Espesyal KEP a pa swiv rekòmandasyon Komisyon OEA / KARIKOM nan fè pou l pibliye rezilta preliminè ki t ap bay pati ak regwoupman politik nan opozisyon an 18 lòt syèj nan palman an.

XS
SM
MD
LG