Accessibility links

Breaking News

Almay Elimine Ajantin 4-0 Pou l Dekwoche Tikè li Pou Demi-Final Mondyal 2010 la


Demi final Koup dimond 2010 la pare pou l demare avèk Almay pral tope kòn li ak Espay nan vil Durban e ak Peyi Ba ki dwe mezire fòs li ak Urugue (sèl ekip ki reprezante kontinan ameriken an nan Mondyal la) nan vil Cape Town.

Nimewo 2 mondyal e chanpyon ewopeyen yo elimine Parague ak yon kal 1-0, samdi pou boukle seri kar de final yo. Bitè David Villa make pou Lespay bout gòl ki bay iberik yo laviktwa a nan 83zyèm minit la nan Ellis Park nan vil Johannesbourg.

Espay poko janm rive nan demi-final yon Koup Di Mond Foutbòl depi Fifa adopte fòma aktyèl la. An 1950, li te fini katriyèm nan yon konpetisyon 13 ekip ki te genyen yon faz eliminatwa "chen-manje-chen". Men sezisman samdi 3 jiyè se Almay ki bay li lè li elimine Ajantin 4-0 (yon gwo favori pou Koup la jis anvan match sa a) vennkatrè trè apre youn lòt sipè favori nan Mondyal sa a, Brezil, tonbe devan La Oland (Peyi Ba) 2 a 1.

Vandredi 2 fwa chanpyon dimond yo (Urugue) kale Ghana, dènye reprezantan kontinan afriken an) nan chout penalite ki fini 4-2 nan avantaj Urugueyen yo ki kounye a rete sèl e dènye reprezantan kontinan ameriken e sid ameriken an nan Mondyal Afrik Di Sid la. Match sa te fini nil 1-1apre fen tan reglemantè a ak pwolongasyon yo.

Match demi-final yo ap tanmen Madi ak Mèkredi k ap vini an. 2 ekip ki ranpòte laviktwa yo va rankontre nan dyèl final la, 11 jiyè, nan stad Soccer City a nan vil Johannesbourg.

Pi gran evènman spòtif mondyal la te demare ak 32 ekip, 11 jen 2010 la.

XS
SM
MD
LG