Accessibility links

Ajantinn: 49 Moun Mouri nan yon Aksidan Tren

  • VOA Nouvèl

Kèk nan pasaje yo fè ajans nouvèl yo konnen ke sanble se fren yo ki pa t ap fonksyone kòmsadwa

Lapolis nan Ajantinn fè konnen 49 moun mouri e 550 lòt blese pou pi piti nan lè yon tren ki chaje ak pasaje t al pote boure sou yon baryè nan estasyon Once, kapital la, Buenos Aires.

Responsab ajanten yo di tren an t ap kouri san rete nan estasyon an. Kèk nan pasaje yo fè ajans nouvèl yo konnen ke sanble se fren yo ki pa t ap fonksyone kòmsadwa.

Otorite ki sou sèn aksidan an di tren an t al frappe baryè ki nan destinasyon final liy fewovyè a pandan li t ap kouri ak anviwon 20 oubyen 30 kilomèt alè.

Aksidan tren sa a rive pandan “heure de pointe” maten an sou liy Sarmiento a, yon liy anpil pasaje ki abite nan banlye itilize pou antre nan kapital Ajantinn nan, Buenos Aires.

Dapre responsab ajanten yo, se pi move aksidan ki fèt nan nasyon sid-amerikèn nan nan plis pase 30 tan.

XS
SM
MD
LG