Accessibility links

Breaking News

Ajantin: 3 Jou Dèy Nasyonal Nan Memwa Ansyen Prezidan Nestor Kirchner


Ajantin: 3 Jou Dèy Nasyonal Nan Memwa Ansyen Prezidan Nestor Kirchner

Ann Ajantin , Prezidan Cristina Fernandez de Kirchner patisipe nan veye piblii yo òganize pou mari l , ansyen Prezidan Nestor Kirchner ki mouri sibitman mèkredi 27 oktòb 2010 la ak yon arè kadyak .

Nan premye aparisyon piblik li depi lanmò mari l la , Prezidan Kirchner ki te pote yon linèt nwa e ki te gen avè l 2 pitit li yo te rive jedi 28 opktòb la nan palè prezidansyèl la nan Buenozèr kote yo te ekspoze kadav defen prezidan an .

Prezidan Kirchner ki te sanble nan yon gwo lapènn te mete men l sou sèkèy la pandan ke pitit fi l t ap konsole l.


Devan palè a menm , te gen plizyè milye moun ki te kontinye rasanble nan lari kapital , e anpil ladan yo te rete nan liy pou yo te ran yon dènye omaj bay ansyen Prezidan Kirchner .

Prezidan peyi Bolivi , Ekwatè, Chili ak Urugwe twouve yo tou nan Buenozèr pou ran tou yon dènye omaj bay ansyen lidè a .

Pèp la k ap kriye pou lanmò ansyen prezidan an te ki te postè, flè, lèt, drapo ak lòt souvni ankò sou mi plas ki toupre palè a .

Antèman an ap dewoule nan finisman semèn nan nan Rio Gallegos , rejyon natal li. Responsab yo dekrete 3 jou dèy nasyonal .

Plizyè lidè mondyal voye kondoleyans yo bay Ajantin ak madanm Kirchner , pami yo Prezidan Ameriken an Barack Obama, Sekretè Jeneral Nasyonzini an Ban Ki Moon, Pap Benwa 16 ak prezidan venezuelyen an Hugo Chavez.

XS
SM
MD
LG