Accessibility links

Mondyal 2010: Afrik di Sid, Kore di Sid ak Lafrans Fè Bèk Atè...

  • Coralie Saint-Louis

Mondyal 2010: Afrik di Sid, Kore di Sid ak Lafrans Fè Bèk Atè...

Seleksyon nasyonal peyi Urugue a ranpòte laviktwa yè mèkredi a sou peyi oganizatè a, Afrik di Sid, sou yon skò 3-0. Sete 2èm rankont pou chak nan 2 ekip yo nan premye tou chanpyona mondyal la. Aprè rankont la, anvwaye espesyal VOA nan Afrik du Sud, Parke Brewer, te chache reyaksyon yon fanatik sid-afriken ki rele Si-bou si-sou:

"Nou te espere ti mesye n yo ta pral genyen. Aprè tout sakrifis peyi a fè pou l apiye yo, yo te dwe fè tout sa k posib pou yo genyen; paske yo te genyen 12èm òm nan, yo te genyen publik la, avèk yo. Epi pou yo rive pèdi jan yo pèdi la a, se vrèman yon gwo desepsyon." Deklarasyon Si-bou si-sou.

Nan lòt rankont ki te dewoule nan jounen yè a: Laswis siprann Lespay, yon gran favori pou tit la, ak yon viktwa 1 a 0 ; e Chili fè 2 pwen sou Onduras ke li kale sou menm skò match Laswis- Espay la. Jwè ki make gòl chilyen an, rele Jean Beauséjour.

Nan match jedi 17 jen, 2010 la, Meksik bat Frans 2-0, Lagrès kale Nigeria 2-1 e Ajantin woule Kore di Sid 4-1.

XS
SM
MD
LG