Accessibility links

Breaking News

Sekoris, Jounalis ak Espòtif Pami Plizyè Mò ak Blese nan yon Atak an Seri ak Bom nan Peyi Afganistan


Moun ki blese yap transpòte nan lopital Kaboul, Afganistan, mèkredi 5 septanm 2018. (Foto: AP/Rahmat Gul)

Afganistan andèy jedi 6 septanm 2018 la akoz lanmò omwen 28 sivil, pami yo spòtif, sekouris ak jounalis, ki mouri nan yon doub atak ak bonm nan kapital la, Kaboul.

Gwoup eta islamik la deja revandike responsablite atanta a atravè ajans nouvèl Amaq li a.

Atak marassa a dewoule nan nan nuit mèkredi 5 pou rive jedi 6 septanm nan katye Dashti-e-Barchi nan kapital la, ki se yon bastyon mizilman shi'it.

Pòtpawòl ministè sante afgan Waheed Majroh di Lavwadlamerik genyen anviwon 100 moun kap resevwa swen nan diferan lopital peyi a pou blesi yo sibi pandan atak yo.

Lapolis ak temwen pale pou di premye nan 2 eksplozyon yo fèt lè yon atakan suisid te sote tèt li andedan yon sant spòtif, kote yon match lit lib tap dewoule. Yon 2èm bonbis kamikaz te eksploze machin pyeje li a yon ti bout tan apre polisye afgan, sekouris te fin rive nan zòn nan.

XS
SM
MD
LG