Pi gwo bankye nan Afghanistan, Abdul Qadir Fitrat, di li bay demisyon ni nan pòs la epi l ap kite peyi a akoz li krènn pou lavi li aprè wòl li te jwe nan ankèt ki t ap fèt sou yon eskandal koripsyon ki te gen ladann pi gwo kreyansye a, Bank Kabul.
Nan yon entèvyou gouvènè Bank Santral la, Abdul Qadir Fitrat bay tou prè Washington, li fè konnen li kite peyi a akoz lavi li te totalman an danje. Pòtpawol Prezidan Afghanistan a, Hamid Karzai, Waheed Omar di msye Fitrat pat avèti otorite yo de demisyon ni an e se posib li responsab pou eskandal la ki debouche sou echèk Bank Kabul la.