Accessibility links

Breaking News

Enstalasyon Abdenwèl nan Nouyòk


Nan mitan yon gwoup touris, yon seri de moun ki chaje kiryozite ap gade dekorasyon travayè yo ap enstale nan yon abdenwèl pou ane sa a nan Rockefeller Center. Daprè youn nan travayè yo, pyebwa a pral kanpe rete estab gras ak 4 kab yo mete pou sipòte l. Misye pale pou l di: "Lendi 22 novanm 2010 la n ap kòmanse mete limye landan l. Dat Thanksgiving nan poko menm rive, men nou gen tan kòmanse ap pare pou Nwèl."

Moun ki pale konsa rele Steve. Misye se yon natif-natal vil Nouyòk. Li kontinye pou l di: "Pito nou panse ak Jou Nwèl la pi bonè ke pi ta;", e li kanpe a kote abdenwèl la pou l byen admire senbòl gwo fèt sa a, ak yon souri sou vizaj li. Daprè li, se yon bon lide pou yo kòmanse mete dekorasyon yo bonè pou selebrasyon fèt la . Se yon bagay ki majik, nwèl pa tap nwèl si pyebwa a pat la pou moun wè l nan Rockefeller Center.

Men pye bwa Nwèl la pa la pou moun nouyòk sèlman. Rick ak Vanessa se 2 moun nan ventèn yo; yo sòti nan zòn Indiana. Vizit yap fè pou yo wè Abdenwèl la reprezante youn pi moman nan pasj yo nan gwo vil sa-a; pami lòt gwo moman genyen tou yon vizit nan Time Square, Empire State Building nan ak kèk gwo sal sinema.

Pandan moun yo ap kontinye vizit yo nan Nouyòk, sitou pandan yap admire abdenwèl ki enstale ane sa a nan Rockefeller Center, y ap fè refleksyon ki mache ak lespri fèt fendane yo.

XS
SM
MD
LG