Accessibility links

Ayiti: Otorite yo Libere Pè Gérard Jean-Juste - 2004-11-30


Nouvèl ki soti nan peyi d’Ayiti fè konnen pè Gérard Jean-Juste ki te fèmen nan prizon depi kèk semèn jwenn liberasion l. Detay sou nouvèl sa a avèk korespondan nou nan Pòtoprens, Rotchild Francois Junior.

Pandanstan, sekretè deta ameriken Colin Powell pral fè yon bref vizit nan peyi d’Ayiti mèkredi a pou montre apwi Etazini pou gouvènman pwovizwa ayisien an, nan moman Ayiti ap fè-fas a yon grav kriz politik.

Pandan jounen vizit Msye Powell la, li pral fè yon chita tande ak prezidan Boniface Alexandre, e ak premyie-minis Gérard Latortue.

Msye Powell pral komemore jounen mondial Sida a pandan l ann Ayiti; li pral rankonkontre kèk òganizasion jèn ki resevwa e bay sèvis nan efò ki sou pye kont devlopman maladi sa a nan peyi a. Sekretè deta ameriken an genyen pou l rankontre tou kèk kòmandan fòs mentyen la è nasyon Zini an nan peyi d’Ayiti.

Lèzetazini se yon kontributè enpòtan nan pwogram dèd ak stabilizasyon nan peyi d’Ayiti. Responsab ameriken yo te dispoze on fon lajan 46 milyon dola aprè dènyie siklonn ki te frape Ayiti nan mwa ki pase yo, e gouvènman ameriken an pran angajman pou l founi on lòt montan 230 milion dola pou plis pwogram asistans nan peyi a.

XS
SM
MD
LG