Accessibility links

Breaking News

Etazini ap Voye Sòlda Ann Ayiti - 2004-11-06


Depatman defans Etazini an ap òganize yon gwo egzèsis imanitè ann Ayiti, pou l montre sipò li pou gouvènman premye minis Gérard Latortue a ki an difikilte. Nan kad ekzèsis sa a, Pentagon nan ap voye anviwon 250 pèsonèl militè ann Ayiti. Steve Lucas, se pòt pawòl kòmandman sud la ki baze nan Miami eta Florid. Li di Lavwad’lamerik ekzèsis imanitè a kapab tanmen nan anviwon 3 mwa.

Pòt pawòl la di “pral genyen ekzèsis ann Ayiti, nan kad pwogram Horizon nouvo a pou ane fiskal sa a. Ekzèsis sa yo pral kòmanse ann Ayiti nan mwad Fevriye 2005 la e yap fini nan mwad me a. Nan kad ekzèsis sa yo, nou pral tabli kèk pwojè imanitè pou fè konstriksyon. Nou pral konstwi enstalasyon pou troup ki pral patisipe nan ekzèsis imanitè a. Pral gen fòmasyon medikal pou ede pèp ayisyen an.Pentagon nan gen entansyon depanse 2 milyon dola pou ede bati lekòl, fouye pwi e tabli klinik tanporè kap bay sèvis medikal ann Ayiti.

Klike sou lyen anlè a pou w tande repòtaj korespondan nou yo sou aktyalite a ann Ayiti pou vandredi 5 novanm 2004 la.

XS
SM
MD
LG