Accessibility links

Breaking News

Prezidan George Bush ak Kandida Demokrat pou Pòs Prezidan an, John Kerry Boukante Pawòl-Pike nan 2e Deba yo Avan Eleksyon Prezidansyèl la  - 2004-10-12


Prezidan George Bush ak John Kerry, kandida demokrat ki an fas li pou eleksyon 2 novanm pwochen an, te patisipe, vandredi-swa, nan 2e. deba televize yo, kote yo youn lanse pawòl pike sou lòt, e moun te ka wè diferans ki egziste antre yo sou kesyon tankou taks, swen-sante, kesyon sosyal e sitou lagè Irak la.

Nan yon deba ki te chaje ak tansyon -- e ki dewoule nan eta Missouri -- 2 zòm yo te tope kòn yo sou kesyon pou konnen kilès nan yo ki kapab pi byen asire sekirite ekonomi amerikèn nan, epi yo youn akize lòt dèske lap bay pèp ameriken an manti.

Misye Kerry p’at sispann atake misye Bush poutèt sa li konsidere kòm yon deteryorasyon sitiyasyon an nan Irak, e, daprè kandida demokrat la, lagè sa a fè Lèzetazini vinn pi fasil pou l sibi yon atak teworis.

Misye Bush li menm -- ki ta parèt pi alèz pase nan premye deba a -- fè konnen rival demokrat li a pa gen kalifikasyon ase pou l dirije peyi a, e misye s’on on nèg ki ta kapab ogmante taks klas mwayèn nan ap peye.

Analis politik ki swiv deba a fè konnen pa gen yon gayan ki sòti nan fas-a-fas sa a, e 2 kandida yo rive bay pèp la detay sou gwo pwoblèm Lèzetazini ap konfwonte jounen jodiya.

3zyèm e dènye deba prezidansyèl avan eleksyon mwad novanm 2004 la pral fèt Mèkredi 13 Oktòb la nan inivèsite eta Arizona a.

XS
SM
MD
LG