Accessibility links

Venezuelyen yo Koumanse Lage Bilten Nan Referendòm-revokasyon  Prezidan Hugo Chavez la. - 2004-08-15


Otorite yo mete sòlda devan biwo vòt yo nan kapital la, Caracas, ak nan lòt vil venezuelyen yo, kote depi gwo douvan jou plizyè dizèn milye moun te kanpe nan liy pou y'al lage bilten.

Ansyen prezidan ameriken Jimmy Carter ak obsèvatè ki sòti nan divès nasyon nan le mond sou plas pou suiv si vòt la ap dewoule yon fason lib e onèt.

Plis pase 14 milyon venezuelyen gen laj pou yo patisipe nan konsultasyon elektoral la. Premye rezilta yo supoze koumanse parèt nan fen jounen dimanch lan. Lidè venezuelyen an di li gen konfyans lap ranpòte laviktwa, men li ajoute lap respekte rezilta referendòm nan menmsi l' pa anfavè li. M'sye Chavez rete 2 zan pou l' pase sou pouvwa a.

Opozan ak rival m'sye Chavez yo di "referendòm-revokasyon" an nesesè paske prezidan an ap gaspiye resous petwolye nasyon an.

XS
SM
MD
LG