Accessibility links

Etazini di li pap Apiye Okenn Pati Politk ann Ayiti - 2004-07-05


Anbasadè Etazini an ann Ayiti, James Foley, deklare gouvènman ameriken an ak kominote entènasyonal la pap apiye okenn pati politik ni okenn òm politik an patikilye. Korespondan nou Rotchild François Junior gen detay depi Pòtoprens.

Dife fè dega nan weekend nan nan yon katye komèsyal nan Pòtoprens. Aprè ensandi a responsab Sektè komèsyal la ann Ayiti mande otorite yo pou garanti sekirite yo ak byen yo posede. Korespondan nou Renan Toussaint te rekeyi doleyans komèsan yo.

Nan Sid peyi dAyiti, otorite polisye yo fè konnen yo remèt bay lajistis pou suit nesesè dosye Senatè konteste Lavalas Yvon Fueille ki sanble l ta enplike nan debakman yon karguezon dròg. Korespondan nou Jean Ernst Eliscar gen detay depi vil Okay.

Ayiti sòt patisipe nan Festival Entènasyonal Mize Smithsonian nan ki rive nan bout li dimanch 4 jiyè a, dat komemorasyon endepandans Etazini. Pandan plis pase yon semèn edmi, Ayiti te gen okazyon fè yon ekspozisyon ki te montre lart ak kilti peyi a. Nan yon entèvyou Ronald César fè ak charge dafè Ayisyen an nan Washington Ray Joseph sou sa patisipasyon Ayiti vle di pou li, diplomat la di se yon onè pou peyi a. Anbasadè Ray Joseph fè konnen Ayiti pral sèvi ak elan kilti ayisyèn nan pran nan festival la pou l pouse pou pi devan. Se premye fwa Smithsonian chwazi Ayiti kòm peyi vedèt nan 38 tan istwa festival sila a.

XS
SM
MD
LG