Accessibility links

Opozisyon Peyi Venezuela a Jwenn Ase Siyati Pou l' Reklame yon Referendòm sou Prezidan Hugo Chavez - 2004-06-04


Korespondan Lavwad’lamerik nan Kapital Venezuelyèn nan Karakas, Julio César Camacho, anonse jedi apre midi opozisyon Venezuela a pral jwenn finalman "referendòm-kanè" lap reklame depi lontan kont prezidan Hugo Chavez la. Camacho, fè n' konnen responsab Konsèy elektoral Venezuelyen an anonse opozisyon an reyini ase siyatu pou yon referendòm-dechoukaj sou prezidans prezidan Hugo Chavez la dewoule nan Venezuela. Vòt sa a sipoze dewoule le 8 Out ane sa a, men okenn dat poko fikse ofisyèlman.

Yon gwo responsab Konsèy Elektoral Nasyonal la presize apre kontaj siyati yo, advèsè prezidan venezuelyen an rasanble plis pase 2 milyon 400 mil siyati--swa plis ke 2 milyon 436.083 siyati lalwa ekzije pou yo òganize yon "plebisit-rejete" kont yon prezidan ann ekzèsis. Opozisyon an, li menm, pibliye pwòp chif pa l' pou di li kolekte 2 milyon 560 mil siyati.

Nouvèl sa a pwovoke dezòd nan kapital la, Caracas, kote moun yo di ki se patizan prezidan Hugo Chavez ouvri kout zam sou meri vil la, sou estasyon "Radio Caracas Television ak sou jounal El Nacional". Yo sakaje tou lokal jounal "Asi es La Noticia". Korespondan Lavwad’lamerik, Julio César Camacho, di nan ensidan sa yo manifestan kap apiye m'sye Chavez yo bat devan lokal palman an yon depite Pati Aksyon Demokratik la, Rafael Marin. M'sye Marin ap pran swen lopital pou blese li resevwa. Yo t'al tire tou sou administrasyon kominal Caracas la, kote majistra a se Alfredo Pena--yon gwo opozan gouvènman an.

Nouvèl ki tonbe nan koumansman sware 3 jen an fè konnen Prezidan Hugo Chavez deklare li aksepte " referendòm-kanè ou referendòm-rejete a " e l' predi li pral kale opozisyon pwòp nan batay desizif sa a.

XS
SM
MD
LG