Accessibility links

Breaking News

Fòs Miltinasyonal la ann Ayiti Sede Plas li Bay Yon Misyon Nasyonzini - 2004-06-01


Yon fòs kap genyen ladan n 8 mil solda ak polisye òganizasyon Nasyonzini kòmanse debake an (n) Ayiti madi premye Jen an, pou yo pran tèt efò k'ap fèt pou pote stabilite nan peyi a. Se nan lokal Akademi Polis la, toupre Pétion-Ville transfè a te fèt maten an.

Kontenjan l’ONU sa a ap pran kontwòl operasyon yo nan men yon fòs miltinasyonal ki te genyen Lèzetazini nan tèt li e ki te prese ale an Ayiti aprè yon mouvman rebelyon ame te fòse prezidan Jean-Bertrand Aristide bay demisyon n' e pati pou legzil. Se Brezil ki nan tèt fòs l’ONU an kote n'ap jwenn, dayè, mil-200 soòlda ak polisye brezilyen. Yè lendi a, 150 nan yo te deja kite peyi yo pou yo ale Pòtoprens kote pi fò manm nouvo fòs mentyen lapè a genyen pou rive nan mitan mwa Jen an. Konsèy Sekurite l’ONU an te vote pou otorize deplwaman fòs sa a nan mwa Avril pase a.

Responsab sekou imanitè yo deklare yo pral gen gwo difikilte pou yo transpòte asistans bay viktim inondasyon ki te frape Ayiti semèn pase a, paske fòs miltinasyonal-la, ki rive nan fen misyon n', fè konnen li pap mete elikoptè li ankò aladispozisyon gwoup imanitè yo. Rotchild François, Jr. ban nou detay nouvèl sa a nan yon repòtaj depi Pòtoprens.

XS
SM
MD
LG