Otorite ki responsab finans nan peyi d Ayiti anonse yo pral pran kontak ak enstitisyon entènasyonal yo pou yo debloke lajan yo mete a la dispozisyon peyi a. Korespondan nou Rotchild François Jr. di nou anons sa a fèt nan moman gouvènman an nonmen yon nouvo konsèy administrasyon pou Bank Santral la e pandan Ayiti ap pare pou l' patisipe nan rankont anyèl Bank Entèrameriken Devlopman ki pral fèt nan peyi Pewou.