Premye Minis deziye ayisyen an, Gérard Latortue, di pi gwo priyorite gouvènan li pral fòme a se amelyore klima sekirite a nan peyi a. Msye Latortue fè deklarasyon sa a bay jounalis yo byen ta yè nan ayewopò entènasyonal Pòtoprens la. Korespondan nou Rotchild François, Jr. di nou Premye Minis deziye a genyen, antwòt, pou l' mete sou pye yon gouvènman tranzisyon epi òganize nouvo eleksyon.