Accessibility links

Prezidan Bush Mande Pèn ki Pi Sevè a pou Saddam Hussein - 2003-12-17


Nan peyi Irak, lapolis fè konnen yon kamyon ki t'ap transpòte eksplozif sote jodi Mèkredi a nan Bagdad kote 10 moun pou pi piti pèdi lavi yo e gen plis pase yon douzèn lòt ki blese. Daprè nouvèl ki te parèt byen bonè sou ensidan an, chif moun ki mouri yo ta rive jiska 17.

Toujou sou dosye Irak la, Prezidan George Bush fè konnen li panse Saddam Hussein ta dwe fè fas ak sa lidè ameriken an rele “pèn ki pi sevè a” pou krim msye te komèt kont pèp irakyen an. Men misye Bush --ki t'ap bay chèn televizyon ABC yon "interview" yè Madi a-- kontinye pou l' di se pa li-menm ki pral pran desizyon an. Daprè li, pèp irakyen an gen kapasite pou li jije ansyen lidè a ki se yon prizonye kounye la a.

XS
SM
MD
LG