Accessibility links

Breaking News

Yon Grèv Gwoup 184 la Ralanti Aktivite Nan Pòtoprens - 2003-12-16


Aktivite te ralanti seryezman nan Kapital Ayiti a, Pòtoprens, jodi madi 16 desanm nan, akòz yon grèv gwoup 184 òganizasyon sosyete sivil la lanse pou pwoteste kont pouvwa Lavalas la. Lidè gwoup la, André Apaid, Jr di korespondan nou Rotchild François, Jr gouvènman Aristide la pa vle popilasyon an eksprime l' nan manifestasyon pasifik, konsa li lage chimè nan lari (sa vle di sivil atoufè k'ap defann pouvwa a) pou anpeche moun manifeste. Dapre korespondan nou an, si gwo komès la te kanpe e sikilasyon machin te ralanti nan kèk zòn, sektè enfòmèl la, kidonk ti machann yo, te pran lari. Kriz ekonomik Ayiti a sitèlman grav, malere sa yo oblije fonksyone chak jou pou yo bay fanmi yo manje. Grèv la dwe bout mèkredi maten byen bonè.

XS
SM
MD
LG