Mwen sèten pifò nan nou kap koute mwen a midi a chaje ak souvni peyi Dayiti nan tèt nou, bon tankou move souvni. Yo se memwa nou e yo fòme bagaj (eritaj) kilturèl nou. E chak fwa kèk nan souvni mwen yo pase nan tèt mwen mwen vinn raple yo nan segman sa a. Mwen sonje bourik kap sikile nan lari kapital la; m'sonje bogi, ofisye sanitè kap tcheke lèt kap vann nan lari Pòtoprens e kap vinn flite latrinn kay moun pou touye vèminn. Mwen sonje tou patat "tisavyen ak diri Repsoro". An fèt eske se Rèpsoro ou Rex Oro?
*Ale sou lyen anlè a pou ou koute edisyon madi 14 oktòb 2003 a