Accessibility links

Lavalas ak Opozisyon an Kontinye Boukante Akizasyon Sou Kriz la - 2003-09-01


Se yon pozisyon klè opozisyon ayisyèn nan ak òganizasyon ki nan Sosyete Sivil la ap klewonnen depi plis pase yon lane: Fòk gouvènman ayisyen an aplike nèt al kole pwen fondamantal nan Rezolisyon 822 L’OEA te adopte sou kriz Ayiti a, anvan pou yo patisipe nan yon mouvman eleksyon.

Kèk jou anvan yon dat limit Chèf diplomasi amerikèn nan, Jeneral Colin Powell, te bay nan Asanble Jeneral òganizasyon rejyonal la nan peyi Chili pou otorite Pòtoprens yo fè pwogrè nan kriz la, sinon L’OEA ta dwe re-evalye wòl li ann Ayiti, sanble aplikasyon rezolisyon sa a, 822 a, reprezante tanto yon chwal batay, tanto yon zo pwason, yon jennman, pou tèl ou tèl sektè politik. Pou pouvwa Lavalas la, nan pwen dout, se opozisyon an (Konvèjans Demokratik la "en particulier") ki derefize kolabore pou debloke kriz la. Sekretè-deta Mario Dupuy akize opozisyon an dèske li pa fè anyen jiskaprezan pou aplike Rezolisyon 822 L'OEA a. Demanti kategorik nan kan opozisyon an! Youn nan prensipal negosyatè Konvèjans la, ansyen Senatè Paul Denis, deklare Lavalas pa montre okenn siy kòmkwa l'ap respekte volonte kominote entènasyonal la. Yo tou 2 defann pozisyon yo nan yon entèvyou yo bay kolaboratè nou Ronald César.

.

XS
SM
MD
LG