Accessibility links

2èm. Somè Unyon Afrikèn nan Ouvri nan Mozanbik. - 2003-07-11


2èm somè anyèl peyi manm Unyon Afrik la tanmen nan peyi Mozanbik, kote prensipal tèm diskisyon yo se:maladi SIDA, sitiasyon an nan Liberya ak lòt konfli ki pete sou kontinan afriken an. Nan diskou Sekretè-jeneral l’ONU an, Kofi Annan,fè nan inogirasyon Somè a,li ankouraje chèf deta ak lòt otorite afriken yo mete lit kont SIDA sou lis prensipal priyorite yo. Patisipan nan Somè sa a--kap dire 3 jou--dwe diskute tou sou plizyè lòt pwoblèm tankou konfli kap boulvèse peyi Somali, Soudan, Repiblik Domokratik Kongo, Kotdivwa ak konfli Bouwounndi a. Sepandan, kriz politik e ekonomik Zimbabwe a pa sou lis diskisyon yo. Unyon Afrik la(yon òganizasyon peyi afriken yo fonde ane pase)ranplase Òganizasyon Unite Afrikèn nan(OUA)apre 39 lane ekzistans.

XS
SM
MD
LG