Accessibility links

Peyi CARICOM yo ap fè Yon Rankont o Somè nan Jamayik - 2003-07-03


Lidè Mache Komen Karayib la (CARICOM) reyuni nan Jamayik kote yap fè deba sou yon plan pou unifye rejyon an kòm yon sèl blòk ekonomik. Chèf leta ak chèf gouvènman ki soti nan 15 peyi manm CARICOM tanmen somè 4 jou a mèkredi nan vil Montego Bay.

Prezidan Sud Afriken an, Thabo Mbeki, ki rive nan Jamayik depi dimanch pou yon vizit deta 3 jou, te patisipe nan ouvètu seyans la. Medya jamayiken rapòte lidè yo pral diskite sou defi rejyon an ap rankontre nan kad efò l’ pou kreye yon blòk ekonomik nan stil ewopeyen an, disi lane 2 mil 5.

Blòk la ap pran nesans menm lè ak Zòn Komès Lib Amerik yo. Tankou nou di l’ deja, prezidan ayisyen an, Jean-Bertrand Aristide prezan nan Jamayik pou rankont CARICOM nan. Li kite dèyè yon kriz ki santre depi kèk jou sou Polis Nasyonal la.

XS
SM
MD
LG