Accessibility links

Yon Pwojè-d-lwa Mande Amnisti Pou Imigran Ki Respekte Lalwa Ozetazini - 2003-07-01


Yon depite ameriken entwodwi yon projè-d-lwa ki prevwa yon amnisti pou imigran san rezidans yo nan peyi a. Eske gen chans pou pwojè-d-lwa sa a pase? Se sa nou diskite avèk avoka Fritz Saintiny depi New York. Ronald Cesar ap swete nou byen venu nan Justice USA sou la vwad lamerik, Washington.

Daprè depite Luis Gutierrez, yon demokrat ki reprezante yon sirkonskripsyon nan eta Illinois, kapab genyen ant 7, 8 a 9 milyon travayè ki san dokiman Ozetazini. E moun sa yo ap travay di epi yo peye enpo e, an majorite, yo respekte lwa peyi a. Sèl sa yo bezwen se yon senp opòtinite pou yo entegre yo nèt al kole nan sosyete nou an.

Si pwojè-d-lwa depite Gutierrez la pase, yo tap bay rezidans pèman pou tout imigran ilegal ki ozetazini depi 5 kan pou rive nan dat 29 janvye 2003, men fòk se moun ke tribinal pat janm jwenn koupab pou enfraksyon kriminèl ou sivil. Yo tap bay rezidans tanporè pou imigran ki poko gen 5 kan Ozetazini, men ki pa janm nan pwoblèm ak la jistis.

Nou mande avoka Imigrasyon Fritz Saintiny ki espwa li genyen sou posiblite pou kongrè a ta aprouve projè-d-lwa Congressman demokrat Illinois a.

Nou diskite ak avoka Saintiny tou sou fason imigrasn san dokiman yo kapab vinn legal ozetazini, san yo pa oblije tounen nan peyi yo pou yal ret’ 3 zan oubyen 10 zan, daprè yon lwa imigrasyon ki te pase an 1996

Ronald Cesar ap remèsy noiu pou atansyon nou; randevou semèn pwochèn pou yon lòt edisyon Justice/USA sou la Vwadlamerik, isit Washington.

XS
SM
MD
LG