Accessibility links

Relijyon:Oganizasyon “Misyon Posib” Ap Ede Ayisyen Nan Sendomeng - 2003-06-26


Nan plantasyon kann Repiblik Dominikèn, nou kapab wè Levanjil an' aksyon, atravè òganizasyon tankou “Misyon Posib” k’ ap travay nan domèn edikasyon. Nan Batèy Sendomeng, Pastè Moïse Sam ak lòt moun ki nan pwojè Misyon Posib la, temwen yon reyalite chak jou. Yon pakèt ti Ayisyen nan kondisyon terib, yo manke swen, yo bezwen aprann li ekri, elatriye.

Misyon Posib vle ede yo e l’ap fè sa depi plizyè lane. Pastè Sam di nou li menm ak kolaboratè l’ yo kwè nan fonksyon sosyal legliz, nan devwa li pou akonpaye pèp la, sitou sila yo ki defavorize e ki gen mwens kapasite, pou yo ka devlope epi tounen moun toutbon.

Tankou Pastè Sam di Chérubin Dorcil nan Paj Relijyon an, “avèk edikasyon, n’ ap rive lwen, pi lwen, e menm trè lwen. Misyon an posib, non sèlman nan batèy Sendomeng, men tou nan peyi Dayiti, nan kominote ayisyen nan Amerik di Nò, toupatou kote konpatriyòt nou yo bezwen èd nan men sila yo ki pi avanse, ki gen plis mwayen.”

XS
SM
MD
LG