Accessibility links

Yon Sòlda Ameriken Mouri, 2 Lòt Blese nan yon Atak nan Irak - 2003-06-19


Nan peyi Irak, yon sòlda ameriken mouri nan yon atak ak grenad---3e atak fòs militè ameriken yo sibi nan 24 trè. Dènye atak la fèt nan pati sud kapital la, Bagdad, kote yon ameriken mouri e 2 lòt blese.

Ensidan sa a rive Jedi, ozalantou kapital la, lè enkoni te tire yon grenad ak lans-wokèt sou yon anbulans lame amerikèn nan ki pran dife la-menm. Mèkredi, yon obu mòtye t’al tonbe sou yon lokal kowalisyon an nan vil Samarra, ki o nò Bagdad. Yon irakyen mouri e 12 lòt blese nan atak sa a.

Okenn sòlda ameriken pa blese nan atak yè a, e otorite yo ap mennen ankèt sou sa. Yon lòt kote, yon gwo responsab endustri petwòl irakyen an pale pou’l di peyi a pral rekòmanse ekspòté petwòl dimanch kap vini la a aprè 3 mwa suspansyon.

Sekretè defans Etazuni an, Donald Rumsfeld, fè konnen dènye desant de lye kowalisyon an fè kont moun ki swa-dizan responsab atak yo, se desant de lye ki nesesè pou pwoteje sòlda ameriken yo e pare tèren an pou rekonstruksion peyi Irak.

XS
SM
MD
LG