Accessibility links

Plizyè Douzèn Izrayelyen Blese nan Lese-frape ak Fòs Militè Eta Jwif la - 2003-06-19


Plis pase 30 izrayelyen blese nan akwochay ki te mete bab pou bab kolon jwif ak fòs sekurite izrayelyen ki t’al demoli kèk tant ak kèk kay nan yon koloni pèpleman jwif ilegal nan Sis-Jordani.

Kolon yo tap chèche anpeche sòlda ak polisye izrayelyen yo kraze koloni ilegal MITZPEH YITZHAR ki tou prè Naplouz, yon vil palestinyen. Aksyon sa a se premye konsa Izrayèl antreprann pou montre lap eseye kraze koloni-pèpleman ilegal abite nan Sis-Jordani, jan plan “mach a suiv pou lapè nan Pwòch Oryan an” ekzije’l.

Yon lòt kote, Jihad Islamik la (yon gwoup militan palestinyen) revandike atanta ak machinn pyeje ki sote e touye pwopriyetè yon episri izrayelyen.

XS
SM
MD
LG