Accessibility links

Sòlda Ameriken  Lanse Kèk Operasyon e Touye 97 Eleman Ennmi nan Irak - 2003-06-13


Responsab militè ameriken yo anonse sòlda yo touye 97 eleman ennmi nan yon seri operasyon yo mennen semèn sa a pou desitire nan Irak rès patizan Saddam Hussein yo ki sanble ta gen lavi di. Daprè menm responsab yo, 70 nan viktim yo mouri nan yon atak sòlda ameriken yo te lanse sou sa Kòmandman Santral Ameriken an rele “yon kan fòmasyon teworis” yo lokalize nan rejyon nòdwès Baghdad.

Kòmandman Santral la kontinye pou l di sòlda ameriken yo touye 27 lòt konbatan nan yon boukantay kout zam nan nò kapital Irak la, Bagdad. Nan yon lòt ensidan, militè ameriken yo fè konnen yo arete 74 eleman yo sispèk kòm moun kap apiye rezo teworis Al-Kayda a. Arestasyon sa yo fèt pandan yon operasyon polis twoup Etazini yo te lanse tou prè vil Kirkouk. Dènye operasyon militè sa yo rive aprè yon nouvo vag atak konbatan irakyen yo te lanse kont fòs militè ameriken yo. Otorite Etazini yo akize geryeyo k ap apiye Saddam Hussein yo kòm moun ki lotè (responsab) zak sa yo.

XS
SM
MD
LG