Accessibility links

Breaking News

Prezidan Préval Reyafime Volonte l' Pou l' Remèt Pouvwa a An Fevriye 2011


<!-- IMAGE -->

Prezidan ayisyen an, René Préval reyafime volonte li pou l' remèt pouvwa a 7 fevriye 2011 e li di lap travay ak Konsèy Elektoral Pwovizwa a pou eleksyon ka dewoule nan fen ane a. Misye Préval fè deklarasyon sa a nan yon konferans pou laprès li bay samdi nan vil Pòtoprens, kapital Ayiti. Nan yon konferans sa a li bay ansanm ak prezidan Bank Entè-ameriken Devlopman an, Bid, Luis Alberto Moreno, kap vizite Ayiti, lidè ayisyen an anonse plizyè pwojè enstitisyon entènasyonal la ap finanse nan peyi a, pi ekzateman nan domèn konstriksyon wout ak rekonstriksyon nasyon karibeyen an, edikasyon elatriye.

Rotchild François jr. rapòte deklarasyon prezidan ayisyen an nan yon repòtaj sou rankont prezidan René Préval te genyen ak prezidan Bank-Entè Ameriken Devlopman an (BID) Luis Alberto Moreno—rankont kote misye Moreno anonse plizyè pwojè enstitisyon lap dirije a ap finanse e pral' finanse ann' Ayiti, san bliye anilasyon plis pase 400 milyon dola dèt bilateral Ayiti genyen vizavi BID

Pandanstan, youn branch nan youn nan gran pati politik ayisyen yo (Pati Demokrat Kretyen defen lidè, Pastè Sylvio C. Claude) pa dakò ak leve-kanpe pou fòse misye Préval bay demisyon li, jan plizyè gwoup politik nan opozisyon an (tankou Platfòm Altènativ la) ap reklame li. Exanel Alexis, Sekretè Egzekitif adjwen PDCH la di pati a anfavè eleksyon e li reklame yon dyalòg ant lidè ayisyen an ak tout sektè politik yo.

Ale sou ralonj anwo e adwat paj la pou repòtaj korespondan Rotchild Francois jr. ak Renan Toussaint sou 2 pwen sa yo.

jbjacque@voanews.com


XS
SM
MD
LG