Accessibility links

Laprès Espere Jwe Yon Wòl Enpòtan nan Rekonstriksyon Ayiti


<!-- IMAGE -->


Laprès ann Ayiti espere jwe yon wòl enpòtan nan travay pou rekonstwi peyi a -- deklarasyon Joseph Guyler C. Delva, responsab SOS Jounalis, nan yon entèviou ak Lavwadlamerik.

"Menm jan ak rès popilasyon an, Asosyasyon an, jounalis yo, medya yo, afekte. Ou konnen byen genyen 31 jounalis ak lòt travayè laprès ki mouri pandan katastwòf sa a. E gen anpil ladan yo ki kite fanmi ki nan yon sityasyon difisil... donk, nap eseye, ofiramezi, remambre tèt nou epi remambre asosyasyon SOS Jounalis pou n' ka kontinye bay jounalis oasistans," Delva eksplike.

Sou kesyon Lwa Dijans la, Delva di Jean Robert Philippe "medya yo dwe fè plis deba pou ede popilasyon an konprann pi byen anje lwa sa a pou peyi a".

Misye Delva deklare :"mwen menm, mwen panse ke deba a supoze genyen plis ekilib. Nan deba politik la, deba tou sou rekonstruksyon an -- mwen menm, tout moun ki konnen'm, yo konnen ke nou se yon moun ki toleran... setadi, nou pap gen pwoblèm ak yon moun paske li gen yon lòt opinyon -- men nou menm nap diskite... nou gen dwa fè dè jou, dè semèn, dè zane, si'w vle, nap diskite sou yon bagay, pou nou eseye fè konprann pwen'd vi nou, e lè nou konprann lòt la kapab konvenk nou tou, n'avanse. Donk, se sa m'panse... nou bezwen medya a ede kreye Ann Ayiti -- yon vrè deba".

Joseph Guyler C. Delva se sekretè-jeneral òganizasyon SOS Jounalis nan peyi Dayiti.

XS
SM
MD
LG