Accessibility links

Breaking News

Responab Elu Ayisyen Ameriken Nan Miami Lanse Efo pou Ede Ayiti


Tou suit apre tranbleman de tè 12 Janvye a, responsab elu Ayisyen Ameriken yo nan eta Florid te deplwaye efo pou ede Ayiti.

Depute la Chanm dè Reprezantan eta Florid la, Ronald Brisé, ki reprezante 5 vil - fè konnen li deja fe 4 vwayaj Anayiti ansanm ak yon delegasyon responsab elu pou wè kijan sityasyon an ye nan peyi a apre katastwof la epi detèrmine kouman yo ka bay peyi a supo. Gwoup sa a te fè pati yon asosyasyon nasyonal ki gen ladann reprezantan divès eta Ameriken.

Youn' nan objektif prensipal yo te pousuiv pandan antretyen yo avek otorite Ayisyen yo, sete asure ke Ayisyen gen yon vwa nan pwojè yo anvizaje pou ede ak reskonstruksyon peyi a. Dapre Depute Brisé gwoup elu a vle prezante yon sèl vwa lè yap rankontre otorite etranje yo. Misye di yo vle pou Ayisyen prezan lè desizyon ap pran.

"Nou gen enterè pou wè ke tout sa k'ap fèt Anayiti se pa sèlman pou benefis konpayi men ke lap benefisye Ayisyen tou," depute a deklare.
Depute Ronald Bris é presize youn' nan ide yo prezante e ke yap pousuiv ak tout fos yo se pou Ayisyen Ameriken jwenn travay ak nempot ki konpayi ki anvizaje al tanmen yon pwojè rekonstruksyon. Li ta renmen pou menm kantite Ayisyen jwenn travay ak konpayi a Anayiti tou. Li di nan yon sikonstans konsa, Ayisyen kap viv nan peyi a ap jwenn travay epi jwenn yon bon sale epi antrenman pou sèvi ak nouvo teknoloji. An menm tan, sa bay Ayisyen Ameriken yo ki konprann kultu peyi a byen yon chans pou yo ede nan rekonstruksyon peyi natif natal yo.

"Se youn nan ide konkrè ke nou menm nap goumen pou li isit Ozetazuni," misye eksplike.

Bo kote pa li, Majistra vil Miami No a, Andre Pierre fè konnen vil li a rive kotize $200,000 pou ede reskape yo.

Vil Miami No resevwa yon pakèt akolad sa pa gen lontan antanke vil ki ka sèvi kom bèl egzanp pou lot vil ak eta e menm peyi etranje, kap fè fas ak yon dezas naturèl.

Majistra Pierre di nou nan rankont li te fè ak Prezidan Ameriken an Barack Obama nan Washington, chèf D'Eta a te di klèman "Echèk Anayiti pa yon opsyon." Malgre Misye Obama pa di li pral vwayaje Anayiti, li te trèz enterese nan èd Lèzetazuni kapab pote nan reskontruksyon Ayiti, dapre Majistra Pierre.

Majistra a di li gen bon jan relasyon ak konseye prezidansyèl yo e yo toujou pare pou ede nempot kijan yo kapab.

Nan sa ki konsène kolaborasyon ant Etazuni ak responsab elu Ayisyen Ameriken yo, depute Bris é kwè se yon bagay pozitif.

"M' kwè ke lap trè bon pou Ayiti," Depute Ronald Brisé deklare. "Nap goumen pou nou mentnu relasyon sa yo non sèlman ak gouvenman Ameriken an men ak gouvènman Ayisyen an tou."


XS
SM
MD
LG