Accessibility links

Breaking News

Avètisman Yon Ekspè Apre Soukous Mèkredi 20 Janvye a


Pandan konbyen tan peyi dAyiti ta dwe atann ni aske li sibi soukous segondè, apre gwo tranblemann tè madi semèn pase a? Enjenyè-Jewològ Jocelyn David, ki t'ap reponn kesyon Chérubin Dorcil, apre soukous ki te frape plizyè vil nan peyi a mèkredi maten an, lanse yon avètisman pou l'di fòk moun ki gen kay yo andomaje, oubyen menmsi kay yo parèt entak, fòk yo pa retounen al' abite ni mennen aktivite andedan kay sa yo.

Enjenyè David pale konsa apre deklarasyon ki sanble te fèt sou yon estasyon radyo ayisyen semèn pase a, kòmkwa apati de vandredi a onzè diswa pata pral gen soukous segondè ankò. Li deklare se fo enfòmasyon ki non sèlman pa gen pyès baz syantifik, men ki ka koze domaj pou popilasyon an.

Enjenyè-Jewològ Jocelyn David pwofite bay opinyon li sou desizyon otorite yo ta dwe pran lè Ayisyen yo va rive nan faz pou rekonstwi peyi a, apre operasyon ijans yo fini.

Pou w koute ti kozman Enj. David ak Dorcil la, fè klik sou ralonj ki anwo, adwat paj web la.

XS
SM
MD
LG