Accessibility links

Breaking News

Pwogram Lib Tribin VOA Sou Kriz Kadyak


Maladi kadyovaskilè (maladi ki gen rapò ak kè) ak aksidan vaskilè serebral (AVC) se 2 nan prensipal kòz ki kapab touye yon kretyen vivan. Kè se pi gwo misk nou genyen nan kò nou. Manbran ki kouvri kè a, myokad la, se yon misk ki ponpe e asire sikilasyon san an nan tout kò nou e sitou nan sèvo nou.

Lè genyen yon kriz kadyak, se lè yon venn ki bloke ak yon kayo san anpeche manbrann sa a resevwa san kap pote oksijèn nan kè a. e lè li manke oksijè li pwovoke lanmò yon bann selil nan manbrann nan. Lè sa rive, doktè yo di nou moun nan fè yon « enfaktis » ou yon infaktis egi miyokad la.

Nan pwogram Lib Tribinn 30 desanm Sèvis Kreyòl Lavwadlamerik la, 2 medsen ayisyen, Dr Jean Robert Chery nan New York e Dr Jean Jumeau Batsh ann Ayiti bay anpil konsèy sou fason pou moun evite viktim anba kriz kadyak. Dr Viginie Louis, yon “medecin de Famille” kap travay nan rejyon Piyon, Depatman Nò peyi d’Ayiti, pote presizyon sou sa yon kriz kadyak ye e ki prensipal siy li prezante. 2 doktè ki te nan panèl la te presize yon rejim alimantè byen balanse ak egzèsis se 2 nan pami konsèy ki ede nou evite kriz kadyak.

Klike sou ralonj ki anlè e adwat paj web la pou n' koute Pwogram Lib Tribin nan sou kriz kadyak.

XS
SM
MD
LG