Accessibility links

"Kòm pi Gwo Puisans Ekonomik Mondyal, Lèzetazini Ap Pran Responsablite li nan Lit Kont Chanjman Klima a..."


Prezidan ameriken an, Barack Obama, pote kole ak lòt lidè mondyal-yo nan konferans sou chanjman klimatik yo ke Oganizasyon Nasyon Zini ap òganize nan vil Kopennhag, nan peyi Dannmak, avèk espwa delege patisipan yo va rive siyen yon nouvo akò sou sitiyasyon klima a sou Planèt Tè a. Prezidan Obama se youn nan lidè mondyal ki pran lapawol jodiya nan Kopennhag kote l di –nap site:

« Antanke pi gwo puisans ekonomik nan lemond, Lèzetazini genyen responsablite pou l fè fas ak chanjman klimatik yo e nou gen volonte pou n pran responablite sa a an men »

Pami lòt chef deta ak chef gouvènman ki abòde konsekans chanjman klimatik yo, genyen prezidan fransè-a, Nicholas Sarkozi, ki, menm ja ak premye minis ostralyen-an, Krevin Rudd, rekonèt ke tout peyi genyen yon anje nan pwoblèm ke rechofman planèt la poze. An rezime, misye Sakkozi di dirijan mondyal yo ap genyen pou yo reponn devan opinyon publik nan peyi yo e atravè lemond si yo pa aji pou rezoud pwoblèm sa yo poze.

Depi yè jedi a e pandan tout nannuit la, delegasyonyo travay pou yo te eseye elimine baryè ki anpeche yo rive antann yo sou mwayen ki tap pi bon pou koupe sou kantite gaz dyoksid de kabòn kap monte nan lè a e ki, daprè espesyalis yo, ta responsab pou pi fò polisyon ki lakoz rechofman atmosfè a. Negosyasyon ki dewoule pandan 2 semèn pat rive, jous maten an ankò, debouche sou yon akò sou pwoblèm nan. 2 nan pi gwo obstak yo se le fèt ke Lèzetazini refize pwopoze yon pi gwo rediksyon nan emisyon gaz la ep Lachin pa vle moun al verifye ki kantite gaz lap koupe. Daprè kèk otorite ameriken, Prezidan Obama fè yon rankont prive jodi vandredi a avèk Premye Minis chinwa a, Wen Jinbao, pou yo te eseye jwenn kèk konpwomi sou difikilte yo. Lèzetazinmi ak Lachin -2 peyi ki voye pi gwo kantite gaz monte nan afmosfè a-- te pran yon wòl lidè nan konferans Kopennhag la : youn kòm reprezantan peyi devlope yo, e lòt la kòm reprezantan peyi ki sou wout developman yo.

Jdesmara@voanews.com

XS
SM
MD
LG