Accessibility links

Breaking News

Polis Jidisyè Ayiti Di Kolaborasyon ak Enstans Entènasyonal yo Pral Kontinye Nan Lit Kont Krim ak Koripsyon


Direksyon Santral Polis jidisyè peyi Dayiti (DCPJ) di li pral kontinye kolabore ak lot enstitisyon lokal ak entènasyonal nan kad ankèt kap fèt sou tout moun ki ta enplike nan trafik dwòg ak blanchiman lajan nan peyi a. kKomisè Frantz Thermilus, Direktè DCPJ, te reponn kesyon Lavwadlamerik apremidi 10 desanm nan.

Komisè Thermilus fe konnen yon ekip espesyal te arete ansyen direktè-adjwen TELECO Jean-René Duperval, ke yo akize nan blanchiman lajan, e yo te remèt li bay ajans ameriken k'ap batay kont dwòg la, DEA. Duperval pral reponn devan lajistis ozetazini. Nouvèl yo di gen yon dezyèm ansyen responsab TELECO ki anba arestasyon tou.

Nan yon lòt domèn nan aktyalite a, Pòt-pawòl platfòm Altènativ la, Evans Paul, denonse sa li rele tolerans Konsèy Elektoral Pwovizwa a (KEP) manifeste vizavi Regwoupman Prezidan Préval apiye a, INITE, ki kòmanse yon konpay kole foto nan lari Pòtoprens, alòske kanpay la poko tanmen ofisyèlman. Msye Paul di atitid KEP a montre li pa kalifye pou dyalòg l'ap mande ak sektè politik ki rejte kredibilite lidè enstitisyon sa a.

Si ou ta renmen koute repòtaj sa yo, fè klik sou ralonj ki anwo, adwat paj la.

XS
SM
MD
LG