Accessibility links

Breaking News

Ayiti: Plizyè Pati ak Platfòm Politik Anonse Yap Bòykote Eleksyon Lejislativ yo


Nouvo remou sou sèn politik la nan peyi d Ayiti: yon douzèn pati ak regwoupman pati politik anonse ofisyèlman yo papral nan eleksyon pou Chanm Depite ak Sena a, an fevriye ak mas 2010, amwenske Prezidan peyi a, René Préval, ranvwaye Konsèy Elektoral ki la kounye a.

Desizyon sa a soti nan hing-hang ki eklate apre KEP a te òganize 2 seyans kote li te tire o sò nimero pati yo pral itilize pou idantifye yo sou bilten vòt yo. Nan premye pase a, vandredi, sanble pati yo te move paske yo kwè te gen magouy nan fason regwoupman Prezidan Préval la, INITE, te resevwa chif Nimero 1 an. Konsèy Elektoral Pwovizwa a te òganize yon dezyèm tiraj samdi kote INITE soti ak Nimero 10. Sepandan, seyans la pat dewoule ak patisipasyon pati politik kontestatè yo.

Youn nan dirijan pati sa yo, Déjean Bélizaire, rejte chwa ki fèt annabsans yo nan dezyèm tiraj la, e li deklare pati yo antann yo sou nesesite pou gen yon nouvo Konsèy Elektoral, ki dwe soti nan yon chita pale ant Prezidan nasyon an, René Préval, ak dirijan nan klas politik la.

Si ou vle koute repòtaj Rotchild François, Jr a, fè klik sou ralonj ki anwo, adwat paj web sa a.

XS
SM
MD
LG