Accessibility links

Breaking News

Meksik ap Louvri Koup du Mond la kont Afrik du Sud


FIFA Koup du Mond

Se nan yon seremoni djak sou djak tiraj osò koup du mondAfrik du Sud 2010 la dewoule kote Afrik du Sud ap louvri konpetisyon an kont Meksik le 11 Jwen 2010 nan Joanesurg. Nan group A nou jwen la Frans ak Urugwe. Se sèl ki teknikman pa favori sou papye.

Angletè ki nan menm group Etazini, Aljeri, Sloveni nan group C a, favori pou pase nan 2 zièm tou a. 2 zièm plas la toujou an diskisyon. Menm situasyon an pou Brezil nan group G a kote nou jwen lòt peyi tankou Kore du nò ki se yon enkonu,Kot Divwar ki konsidere kòm meyè seleksyon Afriken ak Pòtughal ki se yon bout du Eropeyen malgre yo kalifye pa repechaj.

Itali ak Paragwe gen yon avantaj bab e moustache nan F la. Nouvèl Zeland ak Slovaki kapab kreye supriz. La Frans, Meksik ak Urugwe pral nan yon lut san mèsi pou pase nan 2 zièm tou nan group A ansanm ak Afrik du Sud. Nan group B a Arjantin pa ta dwe gen difikilte lè n konsidere yo ansanm ak Kore du Sud, Njerya ak la Grès. Yon group nou dwe swiv ak anpil atansyon.

Group D a Almay pa tad we gen difikilte men li dwe pran anpil prekosyon kont, Ostrali, Gana ak Sèbi. Menm situasyon an nan group E a kote nou jwen la Oland, japon, Cameroun ak Danmak. Menm lè la Oland favori Danmak ak Kameroun kapab kreye pwoblèm e menm Japonè yo tou.

Brezil gen men sòl pa l nan group G a lè yo pral diskite group la ansanm ak Kot d’Ivoir ak Pòtugal, Kore du Nò ki se yon enkonu kapab yon supriz.

An konkluzyon pa vrèman gen group de la mò menm lè gen group ki pi difisil ke lòt. Anpil peyi patisipan yo déjà gen yon ide de pwochen advèsè yo. Enpòtans la pral depann de fason seleksyon yo abòde premye rankont yo.

Koup du Mond Prim

Fifa , federasyon entènasyonal Foutbòl anonse yon gwo ogmantasyon nan prim pou Mondyal 2010-la ann afrik du Sud. Responsab FIFA di apre rankont-yo fè Jedi 3 Desanm nan nan Robben Island (Afrik du Sud) , lajan pou prim-yo ap ogmante de 60 pousan pou-l rive 420 milyon dola.

Konsa Ekip chanpyòn-nan ap mete nan pòch-li 30 milyon. Ekip ki pèdu nan final-la ap genyen 24 milyon. Depi ou rive nan semi-final wap genyen 2O milyon. Chak peyi o total 32 ap resevwa 8 milyon dola si yo pa travèse kap 2 zièm tou a . Ekip-yo ap resevwa tou yon milyon dola pou frè preparasyon.

Sou kesyon pou ta bay Irland yon konpansyon poutèt-li elimine enjusteman-an akoz men Thierry Henri-a , Sepp Blatter di , sa ta pral deklannche yon pakèt demand lòt peyi ki ta elimine pou erè dabitraj.

Numewo 1 òganizasyon an di yap anvizaje bay Irland yon rekonpans moral-san yo pa presize ekzakteman sa l vle di.

Balon koup du mond la gen 11 koulè ki reprezante 11 lang Afrik du Sud pale nan 11 epi 11 jwè foutbòl. Koup du mond Foutbòl feminen an ap pase de 16 a 24 peyi apre koup du mond Almay 2011 la.

Koup du Mond / Sony

Konpayi elektronik Japonè Sony anonse li pral anrejistre 25 match videyo 3 dimansyon koup du mond la. Konpayi Japonèz la fè anons la Jedi 3 Desanm nana pre li finn jwen yon antant ak FIFA.

Videyo 3 dimansyon an pral kapab vizyalite nan evenman FIFA ap òganize nan Bèlen, Lond, Meksiko Sity, Pari, Rio de Janeiro, Sidney an Jwen ak Juyè kote Sony gen enstalasyon espesyal.

Foutbòl / Beckham

Vedèt foutbòl Angle David Beckham anonse gen plizyè lane depi lap soufri ak Asm. Malgre pwoblèm nan sa pa anpeche kontinye jwe foutbòl. Beckham di li espere lòt foutbolè kontinye jwe menm si yap soufri ak malady Astm nan.

Japon /Koup du mond 2018

Japon ap konsidere retire kandidatu l pou l akeyi koup du mond 2018 la pou l kapab konsantre plis sou koup du mond 2022 a. Japon pral fè konpetisyon ak Katar, Endonezi ak Kore du Sud. Jaonè yo gen enpresyon koup du mond 2018 la kapa al jwen yon peyi Eropeyen.

Peyi kandida yo déjà ap men-nen kanpay depi jodi Vandredi 4 Desanm nan an Afrik du Sud. FIFA ap anonse peyi kap akeyi koup du mond 2018 ak 2022 a an Desanm 2010.

FIFA/Paryaj

Ajans Polis entènasyonal dakò pou l ede FIFA konbat paryaj illegal kap fèt pandan match koup du mond yo.

Baskètbòl

Houston Rockets ranpòte yon viktwa 111 a 109 fas a Golden State Warriors gras ak 2 kou fran Aaron Brooks make 2 sekond avan fen tan reglemantè a.

Boston Celtics ranpòte 6 zièm viktwa afile nan lig apre yo tronpe vijilans San Antonio Spurs 90 a 83. Miami Heat tonbe devan Denver Nuggets 114 a 96.

Tennis/ Mauresmo

Jwè tenis franse Amelie Mauresmo pran retrèt li apre li finn ranpòte 25 tounwa tenis senp ak 2 tounwa tenis Gran Shelèm ak yon koup Konfederasyon pou la Fran

XS
SM
MD
LG