Accessibility links

Jounen Mondyal Sida: Yon Bilan Pozitif Pou Ayiti


Ministè Sante Publik peyi Dayiti ak patnè entènasyonal li yo make premye desanm nan, jounen mondyal Sida, avèk divès aktivite nan Pòtoprens.

Direktè jeneral ministè Sante Piblik la, Doktè Gabriel Thimothee, ki te fè yon prezantasyon nan okasyon an, mete aksan sou gwo pwogrè ki fèt nan rediksyon to prevalans maladi a. Doktè Thimothée di : « To prevalans maladi a bese gras a efò sektè medikal ayisyen, asistans finansyè Nasyon Zini ak kèk peyi tankou Etazini, Kanada e latrye. »

Nimero 2 ministè Sante Piblik la mande kominotè entènasyonal la kontinye bay Ayiti asistans finansyè pou l kapab jwenn pi bon rezilta nan batay l’ ap menen kont maladi Sida a.

Lot vil peyi Dayiti yo pat rete endiferan jounen premye desanm nan. Plizyè santèn jèn òganize yon mach nan vil Okay (depatman Sid peyi a) pou make jounen mondyal SIDA a. Jenès Gonavyèn nan te oganize plizyè aktivite sansibilizasyon pou make jounen sa a.

jleroy@voanews.com

klike sou ralonj ki anlè e adwat paj wèb la pou koute repòtaj Clarens Renois sou jounen Mondyal Sida

XS
SM
MD
LG