Accessibility links

Breaking News

Messi Nouvo Balon Dò Eropeyen


Foutbòl/ Balon Dòr

Foutbolè Arjanten Lionel Messi ranpòte balon dò Eropeyen an—6 zièm jwè Barselòn ki ranpòte trofe a. Messi ranpòte mayòl la devan Pòtugè Cristiano Ronald oak 473 pwen kont 233.

Foutbòl / Koup du Mond

Òganizatè koup du mond Afrik du Sud 2010 la anonse aktrès Charlize Theron ap figire pami vedèt ki pral patisipe nan tiraj osò konpetisyon nan Cape Town. Prezidan FIFA a Sepp Blatter ak prezidan Sud Afriken Jacob Zuma ap akeyi envite yo. Pami lòt envite nou jwen Archevèk Desmond Tutu, Frederick W de Klerk, David Beckham ak kourè Etyopyen Haile Gebreselassie.

Nelson Mandela ap pale ak envite yo nan yon mesaj videyo.Sekretè Jeneral FIFA a Jerome Valcke al Theron pral fçè tiraj osò 32 peyi yo kap divize an 8 group de 4. Koup du mond la ap demare soti 11 Jwen pou fini 11 Juyè. Anviwon 200 milyon telespektatè nan anviwon 200 peyi ap asiste tiraj osò a.

Baskètbòl

Dallas Marvericks ranpòte yon viktwa de justès 104 a 102 gras ak 2 pwen Jason Terry make 2 sekond avan fen tan reglemantè a. Nan Milwaukee Andrew Bogut make 22 pwen epi trape balon an 15 fwa pou pèmèt Milwaukee Bucks ranpòte yon viktwa de justès 99 a 97 kont Chikago Bulls. Utah Jazz danse sou Memphis Grizzlies 120 a 93. Indiana Pacers tonbe devan Golden State Warriors 126 a 107.

Baskètbòl / Jones

Ansyen kourè ameriken Marion Jones ki te nan pwoblèm ak la justis, ta renmen chanje karyè nan moman li kòmanse antrene ak seleksyon baskètbòl San Antonio Silver Stars. Jones te ede univèsite North Carolina Tar Heels ranpòte chanpyona nasyonal baskètbòl femimen an an 1994

Foutbòl Ameriken

New Orleans Saints kontinye ap byen men-nen nan lig foutbòl zèpòl kare ameriken an apre yo pilon-nen New England Patriots 38 a 17 nan kad rankont ki jwe chak Lendi swa. New Orleans Saints rejwen Indianapolis Colts kòm 2 ekip ki gen yon palmarès 11 viktwa 0 defèt pou sezon an.

Je Commonwealth/ Fiji

Responsab yo nan Fiji anonse yo prale nan Tribinal Abitraj spòtif an Swis kont ekskluzyon pou yo pa patisipe nan Je Commonwealth 2010 yo nan New Delhi. Rezon suspansyon an se akoz gouvènman militè Fidjen an pa respekte delè ki te fikse pou retabli demokrasi nan peyi a. Responsab yo pran desizyon an nan okazyon rankont chèf deta ak chèf gouvènman peyi Commonwealth yo nan Trinidad and Tobago Lendi 30 Novanm nan.

XS
SM
MD
LG