Accessibility links

Breaking News

Somè Amerikano-Endyen nan Lamezon Blanch: Chanjman Klimatik yo Byen Wo sou Pwogram Rankont sa a


Premye minis endyen an, Manmohan Singh, rive sou 2èm jou yon vizit o Zetazini kote li gen pou l pase 4 jounen. Lap rankontre Prezidan Obama pi ta jodi madi a. Ann atandan rankont 2 lidè yo, drapo endyen an deja ap flote kòt-a-kòt ak drapo ameriken an devan La Mezon Blanch. Pòt pawòl Robert Gibbs di misye Obama ak misye Singh genyen anpil dosye pou yo abòde nan tètatèt sa a –nap site:

"Li klè sou pwogram diskisyon yo genyen lit kont teworism nan ki se yon tèm enpòtan, gen relans ekonomik, ekonomi mondyal la, relasyon nou avèk Lend pou sa ki gen rapò ak efò nou dwe fè nan domèn chanjman klimatik yo."

Vrèmanvre obsèvatè yo atann yo aske rankont Obama-Singh nan debouche sou bon jan pwogrè nan pwogram Lend ak Lèzetazini genyen pou yo lite kont rechofman planet la ki kapab genyen tout kalte move konsekans sou lavi sou latè (lavi lòm, bèt ak plant). Sou dosye sa a jisteman Misye Singn, ki te pran lapawòl devan yon gwoup òmdafè ameriken nan Washington yè lendi a-- fè konnen New Dheli ak Washington pare pou yo siyen yon memorandòm sou fason yo dispoze kowopere nan efò kap fèt pou jwenn yon solisyon pou fenomèn sa a. Premye-minis Singh deklare:

"Nou genyen plan pou n siyen avèk Lèzetazini nan jounen madi a yon memorandòm konpreyansyon sou sekirite nan domèn enèji a, sou enèji pwòp e sou chanjman klimatik yo. Sa pral ban nou yon plan-kad pou n kontinye kowoperasyon nou, kontinye efò bilateral nou yo nan kèk domèn byen presi."

Prezidan Obama ak premye minis Singh genyen tou pou yo abòde, antwòt, kè-sote otorite yo nan New Dheli genyen pou lagè a nan Afganistan pa destabilize plis toujou yon vwazen peyi Lend, an palan de Pakistan.

Jdesmara@voanews.com

XS
SM
MD
LG