Accessibility links

Breaking News

Washington Avèti Fòk Koripsyon Kaba Nan Afghanistan


Sekretè-deta ameriken an, Hillary Clinton, lanse yon apèl bay otorite afghan yo pou yo konbat koripsyon e amelyore fason gouvènman an rann kont bay pèp la. Apel sa a parèt lavèy prestasyon sèman Prezidan Hamid Karzai pou dezyèm manda prezidansyèl li a.

Hillary Clinton di jounalis kap vwayaje avèk li yo, « komansman nouvo manda senk an Prezidan Karzai la prezante yon bèl okazyon pou dirijan yo nan Afghanistan pase yon nouvo kontra ak pèp afghan- n, epi demontre ke yap gouvènen pi byen. »

Madan Clinton kap fè premye vizit li nan nasyon sid-azyatik la depi li alatèt Depatman Deta ameriken an, gen pou li asiste seremoni prestasyon sèman an jedi nan Kaboul, ansanm ak plizyè lòt diyitè etranje, ak lidè afghan. Vil Kaboul chaje ak sekirite, malgre prestasyon sèman an pap fèt pou gran piblik, men pito nan yon seremoni prive, nan lakou palè prezidansyèl la.

Lavèy inogirasyon dezyèm manda Prezidan Hamid Karzai la, Prezidan Barack Obama deklare li mwens preokipe ak kesyon pou konnen si yon moun, an patikilye, merite ou pa merite konfyans ; li pito enterese nan konfyans ke tout gouvènman afghan an dwe merite nan peyi li e sou sèn entènasyonal la.

Pandan Prezidan ameriken-an ap vizite rejyon Azyatik la, li di jounalis televizyon ameriken NBC desizyon li gen pou l’anonse sou strateji lagè a ann Afghanistan pral touche tout aspè kesyon an.

« Mwen sèten, lè nou fini fè tout analiz ak tout preparasyon, m’pral kapab prezante bay pèp ameriken an, yon fason trè klè, egzakteman sa n’ap defann, sa nou gen entansyon fè, ki jan nou pral avanse, konbyen lajan sa pral koute, e konbyen tan sa pral pran. »

Prezidan Obama ajoute, li vle sèten ke lè twoup ameriken yo finalman acheve misyon yo ann Afghanistan, yap kite dèyè yon peyi ki gen plis stabilite.

Si ou ta renmen koute repòtaj sa a an detay, fè klik sou ralonj ki anwo, adwat paj web la.

XS
SM
MD
LG