Accessibility links

Breaking News

Kar de Final Chanpyona KONKAKAF la Fikse Pou 17 Novanm


Foutbòl/ KONKAKAF

Klub Onduryen Marathon ak klub Gwatemaltèk kalifye pou kar de final Lig Chanpyon KONKAKAF la apre viktwa yo ranpòte Jedi 22 Oktòb la. Marathon wouze klub Trinidadyen Jabloteh 4 a 2 epi Communicaciones kale klub Meksiken Pumas 2 a 1.

8 kalifye yo se 4 klub Meksiken Pachucas, Toluca, Cruz Azul ak Pumas. Lot klub yo se klub Panameyen Arabe Unido,klub ameriken Kolonbus Crews, Marathon de Honduras epi Communicaciones de Gwatemala.

Tiraj osò a fikse pou 17 Novanm.

Foutbòl/Meksik

Federasyon foutbòl Meksiko anonse yap jwe 8 match chofe jarèt avan yal patisipe nan koup du mond Afrik du Sud la. Jwè lokal yo ap kòmanse antrene 12 Avril pou jwe 3 rankont yap jwe Ozetazini, youn O Meksik ak 3 lòt sou kontinan Eropeyen an. Dènye match chofe jarèt la ap jwe an Afrik du Sud. Jwè kap evolye sou kontinan Eropeyen an ap rejwenn seleksyo an nan fen sezon an. Responsab yo di yap seleksyone peyi pou jwe rankont la aprè tiraj osò koup du mond la.

Foutbòl/ Eròp

Chanpyon antit Lig Europeyen an klub Ukrenyen Shakhtar Donetsk wouze klub franse Toulouz ak yon swif 4 a 0 yèJedi a. Benfika de Lisbòn pilon-nen klub angle Everton 5 a 0.

Foutbòl/ Onyewu

Defansè ameriken Oguchi .Onyewu ap rete sou ban-d-touch la pandan 6 mwa apre operasyon li subi pou repare ligaman nan pye goch li. Blesu a kapab mete an kesyon patisipasyon Onyewu nan koup du mond Afrik du Sud la.

Je Zolenpik

Chèf polis Vancouver O Kanada fè konnen libète la pawòl ap pwoteje pou moun ki vle pwoteste pandan dewoulman je zolenpik dhivè yo an 2010. Kritik yo di lwa vil la vote sa pa gen lontan pral limite dwa sitwauyen yo pou pwoteste epi pèmèt otorite yo antre nan rezidans prive pou sezi pankat manifestan yo. Responsab la di manifestan yo lib pou pwoteste tou pre enstalasyon olenpik yo pandan li di li ta renmen pou group sugjere zòn yo ta renmen manifeste san yo pa deranje festivite konpetisyon an.

Baskètbòl / Etazini

Responsab NBA David Stern di yoo kapab pèmèt milyonè Rus Michail Prokhorov achete 80 pou 100 aksyon nan New Jersey Nets disi fen ane a. 75 pou 100 pwopriyetè Lig la dwe aprouve demand la.

Tennis

Ansyen jwè tenis swedwa Thomas Enqvist se nouvo kapitèn seleksyon koup Davis peyi a. Responsab yo anonse nouvèl la yè Jedi 22 Oktòb la pou ranplase ansyen vedèt Mats Wilander.

Jwè tenis brezilyen Thomas Bellucci kalifye pou semi final tounwa tenis Stockholm nan apre viktwa li ranpòte devan favori lokal la Joachim Johansson 7-6, 6-3. Belj Olivier Rochus kalifye pou semi final la tou apre li kapote Findlandè Jarkko Nieminen 6-3, 2-6, 6-1. 2 msye yo ap rankontre pou yon plas nan final la.

Bèlj Yanina Wickmayer kalifye pou semi final tounwa tenis Open Luksambourg la gras ak yon viktwa li ranpòte devan devan konpatriòt li Kirsten Flipkens 7-6, 4-6,6-1.

Nan vil Moskou Sèb Jelena Jankovic tonbe fas anba devan Rus Alisa Kleybanova 6-4, 6-3 nan tounwa tenis Kremlen an.

XS
SM
MD
LG