Accessibility links

Breaking News

139 Milyon Dola Asistans Pou Ayiti ak Bolivi


Ayiti ak Bolivi resevwa 139 milyon dola sou fòm don ak prè pou amelyore systèm distribisyon.

Sòm sa a pral finanse premye faz kèk pwojè Bank Entè-amerikèn Devlopman an (BID) ak Fon Kooperasyon Espayòl la ap antreprann nan domèn dlo ak domèn sanitè nan Amerik latin ak Karayib la pou ede moun pi pòv nan rejyon an rezoud pwoblèm dlo potab y'ap konfwonte. 39 milyon nan asistans sa a pral jwenn peyi Dayiti.

Nan don 39 milyon dola a, $14,2 milyon pra l' sèvi pou agrandi systèm distribisyon dlo pou apeprè 150 000 personnes epi ede amelyore systèm rezo idwolik la nan Jacmel, konstwi nouvo rezo dlo potab alantou vil Pòdpè, Senmak epi repare e ogmante rezo dlo potab vil Kap-Ayisyen, e ogmante kantite fontèn piblik.

17 milyon pral ede tabli sèvis netwayaj endividyèl e kolektif, devlope systèm kòlèk fatra ak eliminasyon dechè ki sòti lakay moun; amelyore systèm egou kap charye dlo lapli, kore pwogram ijyèn piblik e pirifye dlo ize. Youn nan objektif efò sa yo se redui maladi twopikal vye dlo pwovoke.

Asistans sa a, se yon inisyativ premye minis espayòl la, José Luis Rodriguez Zapatero, te anonse ane pase. Nan mwa jiyè 2009 la, Bank Entè-amerikèn Devlopman ak gouvènman espayòl la te siyen yon akò kote yo pran angajman pou yo finanse e reyalize ansanm plizyè pwojè avèk lajan ki nan Fon Espayòl la.

Apa Ayiti ak Bolivi, BID ak Espay ap anvizaje finanse ane kap vini an pwojè nan Brezil, Kosta Rika, Guatemala, Honduras, Parague, Pérou, Repiblik Dominikèn, Salvadò ak Urugue.

Espay ap bay 407 milyon dola sou fòm don pou finanse tout pwojè yo epi Bid ap mete 213 milyon dola sou fòm don ak prè pou ede prepare e reyalize yo.

4 milyon moun nan rejyon riral e urbèn peyi sa yo pral benefisye reyalizasyon yo.

NB: Korespondan nou nan vil Boston, Eta Massachusetts, Wilson Dubuisson, genyen reyaksyon yon edikatè ak yon pèsonalite relijye sou don sa a.

Ale sou ralonj ki anwo e adwat paj web sa a pou nou tande reyaksyon yo.


XS
SM
MD
LG