Accessibility links

Yon Depite Repibliken mande Stati Pwoteksyon Tanporè Pou Ayisyen Ilegal yo Ozetazini


Palmantè repibliken, Ileana Ros Lehtinen, ki reprezante eta Florid nan kongrè a eksprime angajman l pou l ede pèp ayisyen an nan efò lap fè an favè lapè, pwosperite, stabilite politik ak demokrasi. Depite a ki te pran la pawòl devan kolèg li yo di li konstate ak pwòp je l defi Ayiti ap fè fas pandan yon vizit li te fè nan peyi a, sa pa gen lontan.

Madam Ros Lehtinen pwononse l an favè stati pwoteksyon Tanporè (TPS) pou Ayisyen kap viv Ozetazini san dokiman legal. Palmantè di : « Youn nan meyè fason nou kapab ede pèp ayisyen an se akòde stati pwoteksyon tanporè bay plizyè milye ayisyen kap viv san dokiman legal Ozetazini. TPS la, dapre palmantè a, se pyès ki manke nan efò Etazini ap fè pou ede Ayiti, a kour e a mwayen tèm. Ma p kontinye travay ak kòlèg mwen yo nan Kongrè a pou m ankouraje administrasyon amerikèn an franchi etap enpòtan sila a.

Depite a byen akeyi desizyon pou pwolonje manda Misyon Nasyon Zini pou Stabilizasyon ann Ayiti, (Minustah). Dapre li, missyon sa a ap ede stabilize non sèlman Ayiti men tou lòt peyi nan rejyon Karayib la.

Bò kote pa l, Marlène Bastien, responsab fanm ayisyen nan Miami e kandida pou nominasyon pati demokrat la pou depite nan Kongrè a, salye pozisyon Depite Repibliken an adopte sou kesyon Stati Pwoteksyon Tanporè a.

Kominote ayisyèn nan Miami òganize plizyè manifestasyon isit Washington pou mete presyon sou administrasyon prezidan Obama a pou l bay ayisyen kap viv nan peyi a san dokiman legal Stati Pwoteksyon Tanporè.

jleroy@voanews.com

Klike sou ralonj ki anlè e adwat paj web la pou koute dènye nouvèl Lavwadlamerik yo

XS
SM
MD
LG