Accessibility links

600 Nouvo Sòlda Dominiken Pou Ranfòse Fwontyè Dominikano-Ayisyen an


Repiblik Dominikèn pral voye 600 sòlda nan jou kap vini yo nan rejyon San Juan De la Maguana pou ranfòse twoup kap siveye fwontyè li ak Ayiti. Desizyon sa a tonbe 3 jou apre ansyen prezidan ameriken Jimmy Carter te deklare nan Santo-Domingo "li enposib pou R.D bloke flo imigran ayisyen kap travèse fwontyè a".

Chèf lame dominikèn nan, Joaquin Virgilio Perez, fè anons sa a dimanch 11 oktòb la pandan yon reinyon ak kòmandan brigad fwontalye yo. Li di deplwaman nouvo twoup yo antre nan kad efò ya'p deplwaye pou bloke trafik moun ak trafik dwòg e lòt menas ki genyen nan rejyon an. "Anviwon 600 zòm aktyèlman kap fini staj fòmasyon pral rive sou fwontyè a anvan lontan pou ya l konplete tout ganizon ki sou lizyè a, lizyè ki defini kote tèritwa Repiblik Dominiken nan koumanse.


Nan yon kominike lame a pibliye, li di kòmandan an chèf la te vizite San Juan de la Maguana (nan lwès R.D) ansanm kèk wo grade, e yo te rankontre nan Justiniano del Rosario, ki se katye jeneral 25 kyèm Konpayi an nan region an.

Anpil analis te kritike deklarasyon prezidan Carter pandan vizit li nan kapital dominiken an, Santo-Domingo; pami yo, minis relasyon eksteryè a, Carlos Morales, ki kalifye deklarasyon an kòm yon "enjerans ki pa nesesè nan afè Repiblik Dominikèn e kap ogmante tansyon nan relasyon li avèk Ayiti".

jbjacque@voanews.com

Sources:Jounal Dominiken "Listin Diario" edisyon 12 oktòb 2009 ak AP Associated Press

XS
SM
MD
LG