Accessibility links

Breaking News

Katastwòf Aeryèn Nan Peyi Dayiti: 11 Moun Pèdi Lavi yo


Yon avyon Nasyonzini tonbe e kraze ak 11 moun abò li vandredi tou pre fwontyè Repiblik Dominikèn nan. Dapre enfòmasyon ki sòti bò kote responsab l'ONU yo tout pasaje yo pèdi lavi yo nan aksidan an.

Otorite yo fè konnen avyon an tap fè yon misyon siveyans nan kad misyon stabilizasyon Nasyonzini (MINUSTAH) lè li tonbe toupre fwontyè ki separe Ayiti ak Repiblik Dominikèn nan. L'ONU di yo jwenn kadav tout viktim yo, plis kadav manm ekipaj la, sou sit aksidan an. Menm sous la presize moun ki mouri yo se pèsonèl militè urugueyen ak jòdanyen.

Nan yon kominike li pibliye vandredi swa, sekretè-jeneral Nasyonzini an, Ban Ki-moon, prezante “sensè kondoleyans li” bay fanmi, zanmi ak kòlèg viktim yo.

Minustah anonse yon ankèt pou detèmine kòz ki fè avyon an tonbe.

Aparèy la, se yon avyon kontenjan urugueyen ki fè Pati Misyon mentyen lapè Nasyonzini pou Ayiti a (Minustah). Misyon an genyen 9 mil òm e li Ayiti depi 2004.

XS
SM
MD
LG