Accessibility links

42 Ka Grip Pòsin Nan Peyi Dayiti


Kantite mounn ki trape viris A(H1N1) ki bay grip pòsinn nan kontinye ogmante nan peyi Dayiti nan moman Ministè Sante Piblik ak Popilasyon, MSPP, pako resevwa vaksen pou maladi a. Direktè jeneral ministè a, Doktè Gabriel Thimothee, di Lavwadlamerik li anrejistre 42 ka jiska prezan, e pi fò ladan yo se nan depatman Lwès peyi a.

Doktè Thimothee fè konnen ministè a kontinye ap fè demach bò kote Oganizasyon Mondyal Sante, OMS, pou l kapab jwenn vaksen ki pako disponib nan rejyon karayib la. Sepandan Ministè di li genyen yon stòk siwo Tamiflu ki kapab ede l fè fas a maladi a sizoka kantite mounn ki trape virus A(H1N1) an ta vinn ogmante.

Doktè Gabriel Thimothee presize, juska prezan,viris A(H1N1) pa ko touye ankenn mounn nan peyi Dayiti. Ministè Sante Piblik te anrejistre premye ka grip pòsin nan nan peyi a nan mwad avril 2009.


Klike sou ralonj ki anlè e a dwat paj web la pou koute deklarasyon doktè Gabriel Thimothee a

XS
SM
MD
LG