11 septanm 2001,
teroris te lanse atak kont Etazini.
Men kijan evènman yo
te dewoule nan jounen sila a: Vè 8:45 nan maten, lè Washington,
teroris te sezi yon avyon pasaje vòl 11 American Airlines ki t ap sòti Boston e pirat yo t al antre avyon an nan Tour nò World
Trade Center a nan New York City. Yon ti moman aprè, teroris yo te detounen yon
lòt avyon vòl 175 United Airlines ki tap kite Boston e
yo t al antre l nan tour sud World trade Center a. Aprè 2è atak la, mounn te
sèten se te teroris islamik ki t ap ranpli yon misyon swisid.
Yon ti tan aprè, nan menm jounen an, teroris yo te detounen
yon 3è avyon, vòl 77 American Airlines ki tap sòt nan Dulles
Airport andeyò Washington e yo t al antre avyon an nan katye jeneral depatman defans
Etazini an, Pentagon nan. Aprè sa, tou 2 tour nan bilding World Trade
Center a te efondre.
Nan menm matine a, teroris yo te detounen yon 4è avyon, vòl
93 United Airlines ki t ap kite Newark nan New Jersey; pandan teroris yo tap chèche atake yon lòt sib nan Washington, avyon an te fè aksidan nan Shanksville
eta Pennsylvanie.
Anviwon 3 mil
mounn te mouri ozetazini nan atak teroris sa yo nan dat 11 septanm 2001.Nan aswè, prezidan Bush te deklare: "teroris yo kraze asye
ki soutni bilding, sepandan, yo pap kapab kraze detèminasyon pèp ameriken an."
Tou swit aprè, prezidan Bush te deklare yon lagè total kont terorism.
Nan okazyon komemorasyon atak 11 septanm 2001 yo, seremoni
ap fèt tou patou ozetazini,
pandan ameriken yo ap sonje trajedi sila a.
Klike sou lyen ki anlè e adwat atik la pou w gade video ki montre foto ak non viktim yo.