Accessibility links

Real Madrid Nonmen Meyè Klub 20tièm Syèk la


Foutbòl/ Eròp

Federasyon Entènasyonal Istwa Foutbòl ak Statistik deziye Real Madrid kòm meyè klub pou 20 tièm syèk la. Real Madrid fini an premyè pozisyon devan Juventus de Turen, FC Barselòn, Milan AC, Bayern de Munik konplete lis 5 premye meyè klub foutbòl pou 20 tièm syèk la.

Lòt 5 klub nan lis la Inter de Milan, Ajax Amsterdam, Liverpool, sporting de Lisbon ak Anderlecht.

Foutbòl / KONKAKAF

Seleksyon nasyonal ameriken mete l pi prè kalifikasyon koup du mond Afrik du Sud pou zòn KONKAKAF apre viktwa 1 a 0 yo ranpòte nan Port of Spain devan Trinidad and Tobago. Viktwa a mete ameriken yo nan tèt group la ak 16 pwen devan Meksik ki gen 15 pwen apre viktwa 1 a 0 li ranpòte yè swa devan Honduras. Honduras klase 3 zièm. Kosta Rika gen 12 pwen apre defèt 1 a 0 yo subi devan El Salvador.

Foutbòl Mondyal

Angletè ak Espay, Paragwe jwenn tike yo pou faz final koup du mond la apre viktwa yo ranpòte nan match kalifikatif ki jwe yè swa.

Angletè danse sou Kwasi 5 a 1 nan stad Wemble a pou efase souvni yo genyen lè Kwat yo te kale nan menm stad sa a pou anpeche yo kalifye pou koup dEròp dè Nasyon 2008 la. Kwasi klase 2 zièm dèyè Angletè ak 17 pwen, Angletè, nan tèt group 6 la ak 24 pwen, ranpòte 8 tièm viktwa afile l anba banyè antrenè Italyen Fabio Capello. Espay wouze Letoni 3 a 0 pou l jwenn tikè l. Apre 8 viktwa afile espayòl yo ap fè 9 vièm vwayaj afile yo nan yon koup du mond.

Arjantin nan pwoblèm apre defèt 1 a 0 yo subi devan Paragwe ki li menm ap fè 4 trièm vwayaj afile l nan yon koup du mond. Brezil, kap fè 19 vièm vwayaj afile l, danse sou Chili 4 a 2-yon defèt ki retade kalifikasyon Chilyen yo pou faz final la. Venezuela kale Pewou 3 a 1. Urugwe kale Kolonbi 3 a 1.

Ekwatè toujou nan kous pou l kalifye pou faz final koup du mond la apre viktwa 3 a 1 li ranpòte devan Bolivi nan La Paz. Viktwa a mete Ekwatoryen yo a 23 pwen nan moman manke 2 match. Bolivi elimine nan kous la.

Nan group Amerik du Sud la Brezil nan tèt klasman jeneral la ak 33 pwen—3 pwen devan Paragwe. Chili klase 3 zièm ak 27 pwen-4 pwen devan Ekwatè ki klase 4 trièm devan Arjantin. Answit nou jwen Urugwe ak Venezuela.

Nap retounen sou kontinan Eropeyen an kote nou jwen La Frans rache yon nul 1 a 1 nan men la Sèbi. Franse yo toujou gen chans pou fini 2 zièm nan group 7 la ak 15 pwen dèyè Sèbi kap domine group la ak 19 pwen. Franse yo pa kapab fè f opa pandan rès rankont yo.

Itali kale Bulgari 2 a pou l domine group 8 la ak 20 pwen, kapab kalifye a kondisyon yo kale Irland le 10 Oktòb-Irland klase 2 zièm ak 16 pwen. Bosni Herzegovinn fè match nul 1 a 1 ak Turki. Bosni Herzegovinn ki gen 16 pwen ap chofe dèyè 2 zièm plas la ansanm ak Tuki ki gen 12 pwen. Ekòs nan pwoblèm apre defèt 1 a 0 yo subi devan La Oland. Olandè yo, ki déjà kalifye gen 24 pwen nan group 9 la. Ekòs ak Nòvèj, ki gen 10 pwen yo chak ap goumen pou yo fini 2 zièm nan group la. Almay wouze Azerbaijan 4 a 0 malgre yo tap jwe ak 10 jwè. Almay ap domine group 4 la ak 22 pwen devan la Rusi ki gen 21 pwen.

Federasyon Polòy la revoke antrenè seleksyon an Leo Benhakker apre defèt 3 a 0 seleksyon an subi devan Sloveni. Viktwa Portugal ranpòte devan Ongri kenbe l nan kous la menm lè li klase 3 zièm nan group 1 an ak 13 pwen—5 pwen dèyè Danmak. Gen 4 peyi kap goumen nan group sa a-2 pwochen jounen yo pral enpòtan nan group la.

Antrenè pwovizwa Beljik la Franck Vercauteren pwopoze pou l demisyone apre defèt 2 a 1 seleksyon an subi devan Armeni. Bèlj yo ki klase 5 kièm pa gen oken espwa pou yo kalifye.

An Afrik Kameroun kale Gabon 2 a 1 pou l domine group A a.

Isit Ozetazini DC United kale Kansas City Wizards 1 a 0 pou l konsève espwa l pou faz final MLS la.

Baskètbòl/ Eròp

La Frans kale la Rusi 69 a 64 epi Kwasi te fè anpil efò avan li kale Masedwa n 81 a 71 nan kad chanpyona baskètbòl Eropeyen an kap dewoule an Polòy.

Tennis

Adolesan Bèljj Yanina Wickmayer kalifye pou semi final tounwa tenis US Open nan apre li kapote Ukrenyen Kateryna Bondarenko 7-5, 6-4. Wickmayer pral rankontre yon lòt adolesan danwa Caroline Wozniacki ki retire rèv adolesan ameriken Melaine Oudin te genyen ak yon swif 6-2, 6-2.

Bò kote mesye yo Sèb Novak Djokovic kalifye pou semi final la pou yon 3 zièm ane afile gras yon viktwa an 3 manch li ranpòte devan espayòl Fernando Verdasco 7-6, 1-6, 7-5. Djokovic pral rankontre nan semi final la ak Swis Roger Federer ki elimine Swedwa Robin Soderling 6-0, 6-3, 6-7, 7-6. Sa fè Federer 22 zièm fwa afile li kalifye pou semi final yon tounwa tenis Gran Shelem nan moman lap chache pou l ranpòte tounwa US Open nan pou yon 6 zièm fwa youn dèyè lòt.

XS
SM
MD
LG